မုံရွာ၊ ဧပြီ ၂၃

စစ်ကိုင်းတိုင်းဒေသကြီး ၂၀၂၃-၂၀၂၄ ပညာသင်နှစ်၊ လူရည်ချွန် မောင်မယ်များအား ဂုဏ် ပြုပွဲအခမ်းအနားကို ဧပြီလ ၂၃ ရက်၊ နံနက်ပိုင်းတွင် တိုင်းဒေသကြီး၊ အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများနှင့် ဆရာ/ဆရာမများနှင့် လူရည်ချွန်မောင်မယ်များနှင့်မိဘများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အနေဖြင့် ဘက်စုံပညာထူးချွန်ပြီး အကျင့်စာရိတ္တကောင်းမွန်၍ ကျန်းမာကြံ့ခိုင်သည့် ကျောင်းသားလူငယ်များအဖြစ် လေ့ ကျင့်ပျိုးထောင်ရန်ရည်ရွယ်ကာ လူရည်ချွန်စီမံကိန်းကို ၁၉၆၄ ခုနှစ်မှစတင်၍ နှစ်စဉ်ဆောင် ရွက်ခဲ့ပါကြောင်း၊ နိုင်ငံတော်၏ လူစွမ်းအားအရင်းအမြစ်ဖြစ်သည့် ကျောင်းသား၊ ကျောင်းသူများ ပညာရည်မြင့်မားရေးနှင့် နိုင်ငံ့သားကောင်းများအဖြစ် ပေါ်ထွန်းလာစေရေးအတွက် အခြေခံပ ညာကျောင်းသား၊ကျောင်းသူများထဲမှ ပညာရည်ထူးချွန်ပြီး ကျန်းမာသန်စွမ်းပြီး စာရိတ္တကောင်း မွန်သူများအား လူရည်ချွန်၊ လူရည်မွန်များအဖြစ် သတ်မှတ်ရွေးချယ် ဂုဏ်ပြုချီးမြှင့်သည့် လူရည် ချွန်စီမံကိန်းအား နှစ်စဉ်ဆောင်ရွက်လျက်ရှိပါကြောင်း၊ မိမိတို့တိုင်းဒေသကြီးမှ ရွေးချယ်ခြင်းခံရ သည့်လူရည်ချွန်များအနေဖြင့် မိမိတိုင်းဒေသကြီး၏ ဂုဏ်သိက္ခာ၊ မိမိခရိုင်၊ မိမိမြို့နယ်၊ မိမိ ကျောင်းဂုဏ်သိက္ခာ ကောင်းမွန်စေရေးအတွက် စခန်းအတွင်းလိုက်နာရမည့် စည်းကမ်းများ၊ စခန်းအတွင်းပြိုင်ပွဲများ၊ လေ့လာရေးလုပ်ငန်းများ၊ သွားလာနေထိုင်စားသောက်ရေး ကိစ္စရပ်များ တို့တွင်အများနှင့်အတူ အချိန်ကိုက် လိုက်ပါလုပ်ဆောင်သွားကြရန် လိုအပ်ပါကြောင်း၊ နိုင်ငံတော်အနေဖြင့် လူရည်ချွန်ရွေးချယ်ခြင်းလုပ်ငန်း၊ လူရည်ချွန်အပန်းဖြေ စခန်းများသို့ စေလွှတ်ခြင်းစသည့် လူရည်ချွန်စီမံကိန်းလုပ်ငန်းများအား ငွေကြေးအမြောက် အများရင်းနှီးမြှုပ် နှံ၍ အကောင်အထည်ဖော် ဆောင်ရွက်နေခြင်းသည် နိုင်ငံတော်အတွက် အားထားရသည့် လူငယ်များအား မွေးထုတ်ပေးနေခြင်းဖြစ်သည့်အတွက် လူရည်ချွန်များသည် နိုင်ငံတော်အတွက် ဟူသည့်ခံယူချက်ဖြင့် နိုင်ငံတော်နှင့်ပြည်သူလူထုအတွက် အားထားရသည့် ထာဝရလူရည်ချွန်များဖြစ်အောင် အစဉ်အမြဲကြိုးပမ်းအားထုတ်သွားကြရန် လိုအပ်ပါကြောင်း တိုက်တွန်းပြော ကြားခဲ့သည်။

ယင်းနောက် ၁၉၈၁ ခုနှစ်၊ သတ္တမတန်းနှင့် ၁၉၈၃ ခုနှစ်၊ နဝမတန်း လူရည်ချွန်နှစ်ထပ်ကွမ်း တိုင်းဒေသကြီး စက်မှု လယ်ယာဦးစီးဌာနမှ ညွှန်ကြားရေးမှူး ဦးသောင်းထိုက်နှင့် ၁၉၈၅-ခုနှစ်၊ ရန်ကုန်တက္ကသိုလ် စတုတ္ထနှစ် သစ်တောပညာလူရည်ချွန် တိုင်းဒေသကြီး အပူပိုင်းဒေသစိမ်းလန်းစိုပြေရေးဦးစီးဌာနမှ ညွှန်ကြားရေးမှူး ဦးဇော်ဝင်းအောင်တို့က လူရည်ချွန်အတွေ့ အကြုံများအား ပြောကြားကြပြီး လူရည်ချွန်မောင်မယ်များက တစ်ဦးချင်း မိတ်ဆက်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က လူရည်ချွန်မောင်မယ်များနှင့် ကြီးကြပ် ဆရာ/ဆရာမများအား ဂုဏ်ပြုထောက်ပံ့ငွေများ ပေးအပ်ချီးမြင့်ပြီး တိုင်းဒေသကြီး စက်မှုလယ် ယာဦးစီးဌာနမှ ညွှန်ကြားရေးမှူးနှင့် တိုင်းဒေသကြီး အပူပိုင်းဒေသစိမ်းလန်းစိုပြေရေးဦးစီးဌာနမှ ညွှန်ကြားရေးမှူးတို့မှ လူရည်ချွန်မောင်မယ်များအတွက် ဂုဏ်ပြုထောက်ပံ့ငွေများ ပေးအပ်ချီး မြှင့်ကြသည်။

ထို့နောက် လူရည်ချွန်မောင်မယ်များကိုယ်စား နှစ်ထပ်ကွမ်း လူရည်ချွန် မမြင့်မြတ်ကြည် မှ ကျေးဇူးတင်စကား ပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက လူရည်ချွန်မောင်မယ်များနှင့် စုပေါင်းမှတ်တမ်းတင် ဓါတ်ပုံရိုက်ကူးကာ အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ပြီး တာဝန်ရှိသူများ၊ လူရည်ချွန်မောင် မယ်များနှင့် နံနက်စာများအတူတကွသုံးဆောင်ကာ အခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၄-ခုနှစ်၊ အခြေခံ စာတတ်မြောက်ရေးလုပ်ငန်းများဆောင်ရွက်နေသည့် အလုံရပ်ကွက်ရှိ အမှတ်(၂) အခြေခံပညာ အထက်တန်း ကျောင်း(အလုံ)ရှိ စာသင်ဝိုင်းသို့ရောက်ရှိရာ စာသင်ဝိုင်း ၃ ဝိုင်းတွင် ကြီးကြပ် ၁ ဦး၊ နည်းပြ ၃ ဦးနှင့် စာသင်သား၊စာသင်သူ ၆၀ ဦးတို့ဖြင့် စာသင်ကြားနေမှုများအား လိုက်လံ ကြည့်ရှုအားပေးပြီး စာသင်သား၊စာသင်သူများအား ရင်းရင်းနှီးနှီးလိုက်လံနှုတ်ဆက်အားပေးပြီး တာဝန်ရှိသူများနှင့်အတူ စာသင်သားတစ်ဦးချင်းအတွက် စားသောက်ဖွယ်ရာများ ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ တိပိဋကာ လင်္ကာရသာမဏေကျော် ကျောင်းတိုက်ရှိ စာသင်ဝိုင်းသို့ရောက်ရှိရာ စာသင်ဝိုင်း ၁ ဝိုင်းတွင် ကြီးကြပ် ၁ ဦး၊ နည်းပြ ၁ ဦးနှင့်စာသင်သား၊ စာသင်သူ ၁၅ ဦးတို့ဖြင့် စာသင်ကြားနေမှုများအား လိုက်လံကြည့်ရှုအားပေးပြီး စာသင်သား၊စာသင်သူများအား ရင်းရင်းနှီးနှီးလိုက်လံနှုတ်ဆက် အားပေးကာ တာဝန်ရှိသူများနှင့်အတူ စာသင်သားတစ်ဦးချင်းအတွက် စားသောက်ဖွယ်ရာများ ပေးအပ်ခဲ့ကြပြီး စာသင်ဝိုင်းများအတွက် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဧပြီ ၂၂

စစ်ကိုင်းတိုင်းဒေသကြီးအစိုးရအဖွဲ့ ဒေသတည်ငြိမ်အေးချမ်းရေးနှင့် အကောင် အထည်ဖော်ဆောင်ရွက်နေသည့် လုပ်ငန်းများအောင်မြင်အောင်ဆောင်ရွက်ရေး ညှိနှိုင်း အစည်းအဝေး (၃/၂၀၂၄)ကို ဧပြီလ ၂၂ ရက်နေ့၊ မွန်းလွဲပိုင်းတွင် တိုင်းဒေသကြီးအစိုးရ အဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဋ္ဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်များ၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ ဧပြီ ၂၂ ရက်နေ့၊နံနက်ပိုင်းတွင် ကျင်းပပြုလုပ်သည့် ပြည်ထောင်စုအစိုးရအဖွဲ့ အစည်းအဝေးအမှတ်စဉ် ၄/၂၀၂၄ တွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ၏ လမ်းညွှန်မှာကြားချက်များကို အစည်းအဝေးသို့တက်ရောက်လာသူများအား ရှင်းလင်းမှာကြားပြီးနောက် တိုင်းဒေသကြီး ဖွံ့ဖြိုးတိုးတက်ရေးနှင့် ပြည်သူများ၏ လူမှုစီးပွား ဘ၀ဖွံ့ဖြိုးတိုးတက်ရန်အတွက် ဒေသတည်ငြိမ် အေးချမ်းပြီး တရားဥပဒေစိုးမိုးရေး အပြည့်အဝရရှိရန် တာဝန်ရှိသူများအနေဖြင့် အလေးထားဆောင်ရွက်သွားကြရန် လိုအပ်ပါကြောင်း၊ ပြည်သူများ၏ စားရေရိက္ခာဖူလုံရေးနှင့် ဒေသဖွံ့ဖြိုးရေးလုပ်ငန်းများကို သတ်မှတ်စံချိန်စံညွှန်းများနှင့်အညီ အချိန်မီပြီးစီးအောင် ဆောင်ရွက်သွားကြရန် လိုအပ်ပါကြောင်း၊ ဒေသတည်ငြိမ်အေးချမ်းပြီး လူမှုစီးပွားဘဝ များဖွံ့ဖြိုးတိုးတက်လာအောင် သက်ဆိုင်ရာ တာဝန်ရှိသူအားလုံးမှ ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ ယခင်နှစ်လုပ်ငန်းများ အကောင်အထည်ဖော် ဆောင်ရွက်ရာတွင် ကြုံတွေ့ဖြတ်သန်းခဲ့ရသည့် အတွေ့အကြုံများကို ရယူကာ ယခုနှစ် တွင်လုပ်ငန်းများ ပိုမိုအောင်မြင်အောင် ကြိုးပမ်းဆောင်ရွက်သွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/မြို့နယ်များအတွင်း မိမိတို့ဌာနများအလိုက် အကောင်အထည်ဖော်ဆောင်ရွက်နေသည့် လုံခြုံရေး၊ အုပ်ချုပ်ရေးနှင့်စီမံရေးရာဆိုင်ရာများ၊ ပညာရေး၊ ကျန်းမာရေး၊ စိုက်ပျိုး ရေး၊ မွေးမြူရေး၊ လမ်းပန်းဆက်သွယ်ရေး၊ ဒေသဖွံ့ဖြိုးရေး၊ မြို့သာယာလှပရေးနှင့် မြို့နယ်များအတွင်း အခြေခံစားသောက်ကုန်များ ရောင်းချပေးနေမှု၊ နိုင်ငံ့စီးပွားမြှင့်တင်ရေး ရန်ပုံငွေဖြင့် စိုက်ပျိုးရေး၊မွေးမြူရေးနှင့် MSMEs လုပ်ငန်းများဆောင်ရွက်နေမှု အခြေအ နေများနှင့် ပတ်သက်၍ Power Point ဖြင့် အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ကသာခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဋ္ဌများ က Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များ၏ ဒေသတည် ငြိမ်အေးချမ်းရေးနှင့် အကောင်အထည်ဖော် ဆောင်ရွက်နေသည့် လုပ်ငန်းများဆောင်ရွက်နေမှုအခြေအနေများနှင့် ပတ်သက်၍ အသီးသီး ရှင်းလင်းတင်ပြပြီး မုံရွာခရိုင် စီမံအုပ်ချုပ် ရေးအဖွဲ့ ဥက္ကဋ္ဌက ခရိုင်အတွင်း ဒေသတည်ငြိမ်အေးချမ်းရေးနှင့် အကောင်အထည်ဖော် ဆောင်ရွက်နေသည့် လုပ်ငန်းများအား ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက်လာသူများက တိုင်းဒေသကြီးအတွင်း ဒေသတည်ငြိမ်အေးချမ်းရေးနှင့် အကောင်အထည်ဖော် ဆောင်ရွက်နေသည့် လုပ်ငန်းများ အောင်မြင်အောင်ဆောင်ရွက်ရေး လုပ်ငန်းများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၂၀

မုံရွာမြို့ရှိ ရပ်ကွက်နေပြည်သူများ စိတ်အေးချမ်းသာစွာဖြင့် နေထိုင်သွားလာနိုင်စေရေး၊ ရပ်ကွက်အတွင်းရှိလမ်းများ သန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များခုတ် ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေ ရေးတို့အတွက် ဧပြီလ ၂၀ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ မြို့သစ် ရပ်ကွက်၊ ဇမ္ဗူသပြေလမ်းဘေးဝဲ/ယာအား မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင်သာယာရေးအဖွဲ့များနှင့် လူမှုရေးအသင်းအဖွဲ့များနှင့် ရပ်ကွက် နေပြည်သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက လိုက်လံ ကြည့်ရှုအားပေးပြီး စုပေါင်းသန့်ရှင်းရေးဆောင်ရွက်နေသူများအား ရင်းရင်းနှီးနှီးနှုတ်ဆက်ကာ စုပေါင်းသန့်ရှင်းရေးလုပ်ငန်းများ ဆောင်ရွက်နေသူများနှင့် ရပ်ကွက်နေပြည်သူများအား တန်ဖိုး သင့်စားသောက်ကုန်များ၊ စားသုံးဆီများနှင့် ဟင်းသီးဟင်းရွက်များအား ဈေးနှုန်းချိုသာစွာဖြင့် ရောင်းချပေးခဲ့ပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများအား စားသောက် ဖွယ်ရာများဖြင့် ဧည့်ခံကျွေးမွေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့နယ် စည် ပင်သာယာရေးအဖွဲ့မှ တာဝန်ယူတည်ဆောက်ခဲ့သည့် မုံရွာမြို့၊ မြို့သစ်ရပ်ကွက်ရှိ ဗန္ဓလ ဈေး အလျား - ၆၀ ပေ၊ အနံ - ၄၀ ပေ၊ ဈေးရုံ ၄ ရုံနှင့် အလျား - ၄၀ ပေ၊ အနံ -၂၄ ပေရှိ စားသောက်ရုံ သစ် ၁ ရုံ တည်ဆောက်ပြီးစီး၍ မုံရွာမြို့နှင့်အနီးဝန်းကျင်ရှိ ဈေးရောင်း၊‌ ဈေးဝယ်များ စနစ်တကျ ရောင်းချနေမှုများအား သွားရောက်ကြည့်ရှုစစ်ဆေးပြီး ဈေးအတွင်းသန့်ရှင်းသပ်ရပ်မှုရှိစေရေး၊ မီးဘေးအန္တရာယ်ကင်းရှင်းရေး၊ စားသုံးသူများဘေးအန္တရာယ်ကင်းရှင်းရေးအတွက် ကျန်းမာရေး နှင့်ညီညွတ်သည့် အစားအသောက်များရောင်းချသွားရေး၊ ဈေးဆိုင်ခန်းများစနစ်တကျ ရောင်း ချရေးနှင့် ဈေးပတ်ဝန်းကျင်ရှိ ဈေးဆိုင်ခန်းများအား အဆင့်မြှင့်တင်ရေးတို့ကို ဈေးကြီးကြပ်သူ များနှင့်တာဝန်ရှိသူများအား အသေးစိတ်မှာကြားကာ လိုအပ်သည်များကို ဖြည့်ဆည်းပေါင်းစပ် ဆောင်ရွက်ပေးခဲ့ပြီး ဈေးရောင်း၊‌ ဈေးဝယ်ပြည်သူများအား ရင်းရင်းနှီးနှီးလိုက်လံနှုတ်ဆက်ခဲ့ ကြောင်း သိရသည်။

မုံရွာ၊ ဧပြီ ၁၉

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ ကျောင်းတိုက်ကြီးများတွင် သီတင်းသုံးတော်မူနေကြသည့် ဆရာတော်၊သံဃာတော်များ ပရိယတ္တိ၊ပရိပတ္တိ တရားဘာဝနာများ စိတ်အေးချမ်းသာ စွာဖြင့် ပွားများအားထုတ်နိုင်ရေးနှင့် ဆွမ်းအခက်အခဲမရှိစေရေးအတွက် တိုင်းဒေသကြီးအစိုးရအဖွဲ့မှ ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းပွဲ အခမ်းအနားကို ဧပြီလ ၁၉ ရက်၊ နံနက်ပိုင်းတွင် မုံရွာမြို့၊ အေးသာယာရပ်ကွက်ရှိ ဇောင်ကြမ်းပင်ကျောင်းတိုက်ကြီးရှိ ဓမ္မာသရဖူဓမ္မာရုံကြီးတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်း ဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌများ နှင့်တာဝန်ရှိသူများ တက်ရောက်ကြသည်။

ဦးစွာ “ နမောတဿသုံးကြိမ် ”ရွတ်ဆိုဘုရားကန်တော့၍ အခမ်းအနားအား ဖွင့်လှစ်ကြပြီး ဇောင်ကြမ်းပင်ကျောင်းတိုက်ကြီး၏ ဦးစီးပဓာနနာယက၊ အဂ္ဂမဟာပဏ္ဍိတ၊ ဘဒ္ဒန္တ ကုမာရသီရီ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိသတ်များက ငါးပါး သီလ ခံယူဆောက်တည်ကြသည်။

ယင်းနောက် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များက လှူဖွယ်ပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းကြသည်။

ဆက်လက်ပြီး ဇောင်ကြမ်းပင်ကျောင်းတိုက်ကြီး၏ ဦးစီးပဓာနနာယက၊ အဂ္ဂမဟာပဏ္ဍိတ၊ ဘဒ္ဒန္တကုမာရသီရီ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိသတ် များက အနုမောဒနာတရား နာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှ ပေးဝေကာ အခမ်းအနားကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ မုံရွာတောင် ရပ်ကွက်ရှိ သထုံဝံသကျောင်းတိုက်ရှိ ဆရာတော်၊ သံဃာတော်များအား လှူဖွယ်ပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းပွဲ အခမ်းအနားသို့ တက်ရောက်ကြသည်။

ဦးစွာ “ နမောတဿသုံးကြိမ် ”ရွတ်ဆိုဘုရားကန်တော့၍ အခမ်းအနားအား ဖွင့်လှစ်ကြပြီး သထုံဝံသကျောင်းတိုက်ကြီး၏ ဦးစီးပဓာနနာယက၊ ဘဒ္ဒန္တသုဒဿန ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိသတ်များက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်ကြီးနှင့် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များက လှူဖွယ်ပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲများ ဆက်ကပ်လှူဒါန်းကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ကြောင်း သိရသည်။

မုံရွာ ၊ ဧပြီ ၁၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီး ချုပ်နှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့်ဇနီးများ၊ တိုင်းဒေသကြီး၊ခရိုင်၊မြို့နယ်အဆင့် ဌာနဆိုင်ရာများနှင့် နိုင်ငံကျော်ရုပ်ရှင်သရုပ်ဆောင် အနုပညာရှင်များ၊ အဆိုတော်များ လိုက်ပါ၍ ဧပြီလ ၁၇ ရက်နေ့၊ နံနက်ပိုင်းတွင် မုံရွာမြို့၊ မြို့ရာပြည်ကပ်ကျော် စေတီတော်ကြီးရှိ ဗုဒ္ဓရုပ်ပွားတော်မြတ်များအား ရေသပ္ပါယ်ကပ်လှူပူဇော်ကြပြီး မြို့ရာပြည့်ကပ်ကျော် စေတီတော်မြတ်ကြီး အား ဗုဒ္ဓါဘိသေက အနေကဇာတင်ခြင်း အခမ်အနားသို့ တက်ရောက်ကြသည်။

ရှေးဦးစွာ အခမ်းအနားအား “နမောတဿ” သုံးကြိမ်ရွတ်ဆို ဘုရားကန်တော့၍ ဖွင့်လှစ် ကြပြီး ပင့်သံဃာဆရာတော်၊ သံဃာတော်များက မြို့ရာပြည်ကပ်ကျော်စေတီတော် မြတ်ကြီး အား ဗုဒ္ဓါဘိသေက အနေကဇာတင်ခြင်းနှင့် ရတနသုတ်၊ ဝဋ္ဋသုတ်၊ မေတ္တာသုတ်အန္တရာယ်ကင်း ပရိတ် တရားတော်များ ရွတ်ပွားသရဇ္ဈာယ် ချီးမြင့်တော်မူကြသည်။

ဆက်လက်၍ ဆရာတော်ကြီးများထံ တိုင်းဒေသကြီး ဝန်ကြီချုပ်နှင့်ဇနီး၊ တာဝန်ရှိသူများ၊ နိုင်ငံကျော်ရုပ်ရှင်သရုပ်ဆောင် အနုပညာရှင်များ၊ အဆိုတော်များက လှူဖွယ်ဝတ္ထုပစ္စည်းများ ဆက်ကပ်လှူဒါန်းကြသည်။

ထို့နောက် မုံရွာမြို့၊ ရန်ကင်းကျောင်းတိုက်၊ ပဓာနနာယကဆရာတော် ဒွိပိဋကဓရ၊ ဒွိပိဋကကောဝိဒ၊ အဂ္ဂမဟာပဏ္ဍိတ၊ အဂ္ဂမဟာဂန္တဝါစကပဏ္ဍိတ၊ ဘဒ္ဒန္တပညာဝံသ ဆရာတော် ကြီးထံတော်မှ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အနုမောဒနာတရားနာယူ ကြည်ညို၍ ရေစက်သွန်းချအမျှပေးဝေကာ “ ဗုဒ္ဓသာသနံ စိရံတိဌတု ” သုံးကြိမ်ရွတ်ဆို ဆု တောင်းပြီး ဗုဒ္ဓါဘိသေက အနေကဇာတင်ခြင်း အခမ်းအနားကို ရုပ်သိမ်းခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက မုံရွာမြို့၊ ကန်သာယာကန်ရှိ မြို့ရာပြည့်ကပ်ကျော်စေတီတော်ကြီး ရင်ပြင်နှင့်ပတ်ဝန်းကျင်အား မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ ဌာနဆိုင်ရာတန်ထမ်းများ စုပေါင်း၍ ရေသပ္ပါယ်ခြင်းနှင့်စေတီ တော်ကြီးဝန်းကျင်သန့်ရှင်းရေးများ စုပေါင်းဆောင်ရွက်နေမှုများအား လိုက်လံကြည့်ရှုအားပေးခဲ့ကြပြီး နံနက်စာများအတူတကွ သုံးဆောင်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများ၊ နိုင်ငံကျော်ရုပ်ရှင် သရုပ် ဆောင်အနုပညာရှင်များ၊ အဆိုတော်များသည် မုံရွာမြို့၊ ကန်သာယာကန်တွင် ကျင်းပပြုလုပ်သည့်မြန်မာနှစ်ဆန်းတစ်ရက်နေ့ ဇီဝိတဒါနငါးလွှတ်ပွဲ အခမ်းအနားသို့ တက်ရောက်ရာ တိုင်းဒေ သကြီး ငါးလုပ်ငန်းဦးစီးဌာမှ ညွှန်ကြားရေးမှူး ဒေါက်တာဆုမျိုးသွယ်က ငါးသားပေါက်များ လွှတ်ပေးရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများနှင့် နိုင်ငံကျော်ရုပ်ရှင် သရုပ် ဆောင်အနုပညာရှင်များ၊ အဆိုတော်များက ကန်သာယာကန်အတွင်း နှစ်လက်မအရွယ်နှင့် အထက် ငါးမြစ်ချင်း၊ ငါးခုံးမကြီးနှင့် ရွှေဝါငါးကြင်း စုစုပေါင်းငါးသားပေါက်ကောင်ရေ ၃ သိန်း အား ဇီဝိတဒါနအဖြစ် ကန်အတွင်းသို့ တစ်ပျော်တစ်ပါး လွှတ်ပေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပပြုလုပ်သည့် မြန်မာနှစ်ဆန်း ၁ ရက်နေ့ မုံရွာမြို့ပေါ်ရှိ အသက် ၈၀ နှစ်နှင့်အထက် သက်ကြီးအဘိုးအဘွားများ ပူဇော်ကန်တော့ပွဲ အခမ်း အနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်က နှစ်သစ်အခါသမယ မြန်မာတို့၏ရိုးရာအစဉ် အလာဖြစ်သော သက်ကြီးအဘိုးအဘွားများအား ပူဇော်ကန်တော့ရခြင်းနှင့်ပတ်သက်၍ ရှင်းလင်းပြောကြားပြီး တိုင်းဒေသကြီး ဝန်ကြီးချုပ်နှင့် ဧည့်ပရိတ်သက်များက သက်ကြီးအဘိုး အဘွားများအား ဂါရဝတရားဖြင့် ရှိခိုးကန်တော့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီးတရားချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ နိုင်ငံကျော်ရုပ်ရှင်သရုပ်ဆောင် အနုပညာရှင်များနှင့် အဆိုတော်များက သက်ကြီးအဘိုးအဘွားများအား အာမိသပူဇာပစ္စည်းများဖြင့် ပေးအပ်လှူဒါန်းကြသည်။

ဆက်လက်ပြီး အခမ်းအနားသို့ တက်ရောက်လာကြသည့် သက်ကြိးအဘိုး၊အဘွားများ ကိုယ်စား အဘိုးတစ်ဦးက ဆုတောင်းမေတ္တာပို့သခြင်းနှင့် ဝမ်းမြှောက်စကားပြန်လည် ပြော ကြားကာ “နမောဒဿ” သုံးကြိမ်ရွတ်ဆို ဘုရားကန်တော့၍ အခမ်းအနားကို ရုပ်သိမ်းခဲ့ကြ သည်။

အဆိုပါ သက်ကြီးအဘိုးအဘွားများ ပူဇော်ကန်တော့ပွဲ အခမ်းအနားတွင် အသက် ၈၀ နှစ်နှင့်အထက် သက်ကြီးအဘိုးအဘွား ၁၆၄ ဦးအား စုစုပေါင်း လှူဒါန်းငွေကျပ်- ၁၄၂၄၀၀၀၀ (တစ်ရာလေးဆယ့်နှစ်သိန်းလေးသောင်း)ကျပ်အား လှူဒါန်းခဲ့ကြောင်း သိရသည်။

မုံရွာ ၊ ဧပြီ ၁၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ များနှင့် တာဝန်ရှိသူများ လိုက်ပါလျက် ဧပြီလ ၁၆ ရက်နေ့ မဟာသင်္ကြန်ပွဲတော် အတက်နေ့ နံနက်ပိုင်းတွင် ၁၃၈၅-ခုနှစ်၊ မဟာသင်္ကြန်ပွဲတော် ကျင်းပပြုလုပ်သည့် ကန်သာယာကန်ဝန်းကျင်ရှိ ဗဟိုမဏ္ဍပ်တွင် နိုင်ငံကျော်ရုပ်ရှင် သရုပ်ဆောင်များ၊ အဆိုတော်များနှင့် ရေကစားလာ ရောက်ကြသည့် ဌာနဆိုင်ရာဝန်ထမ်းများ၊ မုံရွာမြို့နေ ရပ်ကွက်နေပြည်သူများနှင့်အတူ နံနက် စာ အတူတကွ သုံးဆောင်ခဲ့ကြပြီး တာဝန်ရှိသူများအတူ အတာရေများပတ်ဖျန်းကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက နိုင်ငံကျော်ရုပ်ရှင် သရုပ်ဆောင်များ၊ အဆိုတော်များ၏ သီဆိုဖျော်ဖြေနေမှုများနှင့် မြို့နေပြည်သူများ ပျော်ရွှင်စွာ ရေကစားနေမှုများအား ကြည့်ရှုအားပေးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တရားရေး၊ စီးပွားရေး၊ လူမှု၊ တိုင်းရင်းသား၊ ဉပဒေ၊ လွှတ်တော် ဌာနကြီး ၆ ခု၏ ချင်းတွင်းပိတောက်ရေသဘင်မဏ္ဍပ်သို့ ရောက်ရှိရာ ယိမ်းအကအဖွဲ့များနှင့် နိုင်ငံကျော်ရုပ်ရှင်သရုပ်ဆောင်များ၊ အဆိုတော်များ၏ သီဆိုကပြဖျော်ဖြေမှုများအား ကြည့်ရှုအားပေးကာ တာဝန်ရှိသူများနှင့်အတူ ဂုဏ်ပြုဆုငွေများ ပေးအပ်ချီးမြင့်ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လမ်းပန်းဆက်သွယ် ရေးရေသဘင်မဏ္ဍပ်သို့ ရောက်ရှိရာ ယိမ်းအကအဖွဲ့များနှင့် နိုင်ငံကျော်ရုပ်ရှင်သရုပ်ဆောင်များ၊ အဆိုတော်များ၏ သီဆိုကပြဖျော်ဖြေမှုများအား ကြည့်ရှုအားပေးကာ တာဝန်ရှိသူများနှင့်အတူ ဂုဏ်ပြုဆုငွေများ ပေးအပ်ချီးမြင့်ကြပြီး မြို့နေပြည်သူများ ပျော်ရွှင်စွာ ရေကစားနေမှုများအား ကြည့်ရှုအားပေးကြသည်

။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံကျော်ရုပ်ရှင် သရုပ်ဆောင်များ၊ အဆိုတော်များ၊ ရေကစားလာရောက်ကြသူများနှင့်အတူ စတုဒီသာမဏ္ဍပ်၌ နေ့စာအတူတကွ သုံးဆောင်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများသည် ညနေပိုင်းတွင် ၁၃၈၅-ခုနှစ်၊ မဟာသင်္ကြန်ပွဲတော်ဗဟိုမဏ္ဍပ် ပိတ်ပွဲအခမ်းအနားသို့ တက်ရောက်ရာ တိုင်းဒေသ ကြီး ဝန်ကြီးချုပ် ဦးမြတ်ကျော်က မြန်မာ့ရိုးရာနှစ်သစ်ကူး င်္ကြန်ပွဲတော် အတက်နေ့ နှုတ်ခွန်း ဆက်အမှာစကား ပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ အနောက်မြောက်တိုင်းစစ်ဌာနချုပ် တိုင်းမှူးနှင့် တာဝန်ရှိသူများက နိုင်ငံကျော် ရုပ်ရှင် သရုပ်ဆောင်များ၊ အဆိုရှင်များနှင့် ယိမ်းအကအဖွဲ့၊ လှပျိုဖြူများအား နှစ်သစ်ကူးအတာ ရေများ ပတ်ဖျန်းပေးကြပြီး နိုင်ငံကျော်ရုပ်ရှင်သရုပ်ဆောင်များနှင့် အဆိုရှင်များက တေးသီချင်း များဖြင့် သီဆိုဖျော်ဖြေကြပြီး “မန်းတောင်ရိပ်ခို”တေးသီချင်းဖြင့် သီဆိုကပြဖျော်ဖြေကာ ပိတ်ပွဲ အခမ်းအနားကို ရုပ်သိမ်းခဲ့ကြောင်း သိရသည်။